On demand | Servus Szia Zdravo Del tuha | 14to feberi 2021
Falato la gondolipeskera kulturatar le burgenlanditike Romendar
O 5to feberi sajt oja cajt jek datum le schtotlichi gondolipestar anglo gondolipeskero than Erbate hi.
Pedar 25 berscha hi akan imar, kada andi Romengeri sidlung Erbate, schatar flogoskere grupnakere dschene, duach jek politischi motivirimo bombakero atentato, pumaro ileto naschade. Ada di jek barikano falato la gondolipeskera kulturatar le burgenlanditike Romendar hi, phenel o Emmerich Gärtner-Horvath, anglebeschaschi le flogoskere grupnakere bajrotistar le Romenge.
Te o gondolipeskero mulatintschago ada bersch vasch i pandemija naschtig tel likerdo ol
O ada berschengero gondolipeskero mulatintschago andi Erbakeri Romengeri sidlung vasch i aktujeli Corona pandemija naschtig kerdo ol taj vaschoda le scherostar la Romengera Pastoraltar taj organisatorkijatar Manuela Horvath, tel phendo iste le ulo. O Emmerich Gärtner-Horvath phenel, hot ada gondolipeskero mulatintschago le khetan dschivipeske maschkar o Roma taj o gadsche, igen barikano hi.
I moderatorkija Katharina Graf-Janoska, mejdinel pe andar i thaneskeri galerija Burgenland, Tikne Martonatar.
Ando 4to feberi o erschti artschijipe usi tema „100 berscha Burgenland“ erschtivar pedar o Livestream upre Facebook pradim ulo. Ando Online-artschijipeskero pradipe o kinstlerkiji taj kinstlertscha la kinstlerengera grupnatar Burgenland kgb polychrom use jek virtujeli gejipe duach o artschijipe akaren taj and dikipe ande pumare butja den.
Viderschtaund & Opre Heroes Collective
I Ioana Spataru sajt 2015 ojs aktivistkija taj trenerkija le manuschengere tschatschipeskere arsiklipeske, butschalinel. O keraschkija taj o schero la Romengera-ternengera inicijativatar Opre Heroes Collective hi.
I Katharina Graf-Janoska la aktivistkijaha pedar o temakere pharipeskere punktscha gondolipe taj viderschtaund vakertscha, save te koji duj Online workshopendar sina, save 2020 kerde ule.
„Svato“ | Kejmpfinipe gejng Fake News
I Gilda Horvath sajt berscha jek aun prindschardi reporterkija hi, savi peske te internacijonali imar jek anav kertscha taj savi but reporterenca ando cilo them igen latschi fanecim hi. Butvar o nevi mediji use lakeri barikani kompetenca kerinen. Ando Online-vakerike vakerel oj pedar o neve mediji, Fake News taj putrinipeskere koji.
Siklipeskero pomoschago andi cajt la pandemijatar
O farajn Roma-Service Erbate te andi cajt le Lockdownistar le ischkolaschenge mindenfelitike phuripeskere grupnendar, jek siklipeskero pomoschago kertscha. O sendungakere dschene ando jeneri la flogoskera grupn ando siklipeskero pomoschago ker rodine taj le dschenenca pedar i situacija le tschavendar taj le dajendar taj dadendar ando Distance Lerarning vakerde.
EU-projekto | Dream Road
Sajt juli 2020 naschel o EU-projekto „Dream Road“, kaj 15 organisaciji andar 10 Donauakere vilagi use hi. Te i Austrija jek falato hi, savo la Romengera flogoskera utscha ischkolatar Burgenland, fatretim ol. O Andreas Lehner, anglebeschaschi la Romengera flogoskera utscha ischkolatar Burgenland taj o Horst Horvath, o botakero schero, vakeren pedar o nevo projekto taj leskero prik bescharipe andi Austrija.