O regirungakere partajtscha kritisirinen leskero posting, ham uso „Grundakero princip la demokratijatat fejst te likerel" kamna – i schotsaunvojtschoft naschtig andi causa Facebook videjo valaso kerel.
Ando juli i manuschengeri tschatschipengeri organisacija SOS Mitmensch le thaneskere rot Hermann vasch fahecinipe taj tradipe usi schotsaunvojtschoft Gereci aunsesintscha. Ov jek videjo upre Facebook ulatscha, kaj use oda phenel o SOS Mitmensch vasch jek "Romengero prasajipeskero videjo“ dschal. Odoj soralo „prasajipe gejng o Roma taj Sinti“ te schunel taj te dikel hi.
Uso erschti talalinipe palo linajengero nugodinipe kedenate i ÖVP taj i SPÖ pumenge arkerde, le Hermman na ar te del, sar on ande jek khetano pisimo lil ar den: „O ulado posting sar o arpheniptscha le Stafan Hermannistar vascho Roma- taj Sinti na jeke thaneskere rotiske, na jek clubakere dujte scheroske pativalo hi taj amen sa so kerdo taj phendo ulo sorale kritsirinas. Kaj ov ham ada ojs politischi thaneskero rot kertscha, likeras amen uso instrumento la imunitetatar fejst uso grundakere principtscha amara demokratijatar.“
Ada iste afka hi, kaj o rotscha te andi cukunft pumare gondi fraj schaj ar phenen. „Han la FPÖ-ake latscho ovlahi, te lengere mitglidertscha use sensiblisirungere sikajiptscha dschanhi, kaj schaj siklon sar online -medijenca buti te keren. Amen andi cukunft jek jak upro Stefan Hermann taj upri „Freiheitliche Partei“, lek feder upro online keriptscha, daha“, phenen o clubakere dschene i Barbara Riener (ÖVP) taj o Hannes Schwarz (SPÖ).
FPÖ Schtacko prasajipeskero videjo gejng o Roma taj Sinti ar bulharel