Partajakero schero taj o dujto schero prasajipe ando nec gejng o Roma taj Sinti kerel
O Pollak phukal, hot o Hermann suboton jek prasajipeskero videjo gejng o Roma taj Sinti, save ande Tulln campirinen, ar bulharel. Duj divesa angloda leskero partajakero schero Kunasek, gejng i faktengeri situacija, jek khetan hejnginipe maschkar o asilengere dschene andi Austrija taj la aktujeli Corona situacija la bundakere regirungatar kertscha.
SOS Mitmensch vrischtschanel la schtacka politik taj le dschenen upre, godschikan gejng ada politischi radikalisirinipe angle te dschal. O tradipe le prasajipestar naschtig normaliteta ol taj prasajipeskere predigertscha, te rasistischi vaj fundamentalistischi, na troman politischi sor andi Austrija te uschtidel.