Roma sam palal te schulel telal ORF SOUND
I Ruža Nikolić-Lakatos mindig upre diklahi, o bojd imar pobisterde melodiji le Lovarajendar la arta generacijake bajder te del. Taj te lake te palikerel hi, hot o dschila le Lovarajendar ojs falato la kulturakera tradicijatar aun prindscharde taj la austritika UNESCO-komisijonatar ojs nacijonali imaterijeli kulturakero palmukipe andi Austrija upre lim ulo.
Ružake gila – Ružas Lieder – Ruža’s songs
I Ursula Hemetek i vodaschkija le projektostar Ružake gila hi. Ojs profesorkija la etnomusikologijatar taj ojs keraschkija la organisacijatar MMRC – Music and Minorities Research Center, o kinstlerischi entviklinipe la Ruža Nikolić-Lakatosatar buteder sar trin deschberschengere vodintscha taj dokumentirintscha. O koncertoskero kirati o pradipe le akan usedschajipeskere digitali artschijipestar hi.
Sa tja patjivake, Ruža"
Vaschoda, neve interpretacijontscha ar rodime falatendar le Lovarkinjendar angle terdscharde ule. Afka i enkelkija Shireen taj i tschaj Manuela Nikolić uso pativ la mula muschikaschkijatar dschilade. I Manuela Nikolić, i tschaj la Ruža Nikolić-Lakatosatar taj le Mišo Nikolićistar, partnerkija ando projekto Ružake gila hi. Oj, ojs prik dschivdi, barikane dikiptscha uso dschila taj uso dschivipe lakera dajatar del. Khetan lakere phralenca hi i Manuela i erbinkija le muschikakere palmukipestar la Ružatar. Oj vaschoda and pe bescharel, hot ada palmukipe te jeke bulhe pradipeske te del.
Pasche i familija la mulatar, te pajtaschtscha taj pajtaschkiji taj dromeskere vodaschtscha taj dromeskere vodaschkiji te schunel sina. Afka o Moša taj i Jasmina Šišić jek dschili pedar o dschivipe la dschilaschkijatar komponirinde. Te o komponisto Ferry Janoska adala projektoske jerim schaj ulo. I dschilaschkija Melinda Stoika, savi ando Ungriko upro them ali taj savi imar but berscha ande Romanes dschilal, la Ružakere dschila ande jek jazziskeri versijona angle terdschartscha.
Uso projekto, pasche o Mozes F. Heinschink te i etnomusikologkija Christiane Fennesz-Juhasz use hi. Oj AV-archivarkija taj kunstodinkija ando fonogramiskero archiv la austritika akademijatar le visenschoftendar hi taj igen sorale le muschikakere- taj mujutne tradicijenca le Romendar, donde pe bescharel. Pedar o berscha, oj mindig la Ružaha khetan schaj butschalinlahi.
Jek avro falato le projektostar Ružake gila, i digitali presentacija le palmukipestar la Ružatar hi. Uso artschijipe la organisacijatar MMRC – Music and Minorities Research Center la universitetatar la muschikake taj la sikadipeskera kunstake Betschi, sajt harni cajt, akan jek usedschajipe del. Ov pasche o dschila taj o dschilakere tekstscha, muschikakere pisme tekstscha taj te definirime tekstscha uso dschila, del.