Anglo koja, hot bojd o epasch le upro them vakerde tschibtschendar le ar meripestar fogosim hi, i UNESCO upri jek rik, o pomoschago le tschibtschendar ojs cajchn la kultureli identitetatar le vakeraschtschendar upro astavi peske pisintscha. Upri avri rik dschal lenge te vasch o avrethemutnoskero tschibtschakero sikajipe taj o but tschibtschakero vakeripe ojs klutscho uso hajojipe taj respekto.
O sako berschengero gondolipeskero di nucim ol, dikipe upro tschuliptschengere tschibtscha le tschuleder sar 10.000 vakeraschtschenca, te vodinel. Butvar odola tschibtscha le avre generacijenge bajder dim na on taj vaschoda ando pobisteripe peren. But tschibtscha hatek tschuleder sar schel vakeraschtschenca meg menik dokumentirim nan. Jek barikano pharipeskero punkto ando bersch 2005, sina o cajchniskere tschibtscha le kaschukenge taj o brajliskero pisinipe le korenge.