Radijo „Roma sam“ | 5to feberi 2024 | 20:50 orenge
Duach i sendung vodinel Susanne Horvath | Live Radio Burgenland
Ando khera le kulturakere farajnistar le austritike Romendar, ando 19to gemajndakero becirk Betschiste, o reporteri Adi Gussak, le schero le kulturakere farajnistar le austritike Romendar, Christian Klippl restscha, leha pedar i keripeskeri historija la kenvatar „Gleiche unter Gleichen" – O drom le politischi taj socijali aunprindscharipestar le austritike Romendar ojs flogoskeri grupn ando bersch 1993“ te vakerel.
Upre buteder sar 200 riktscha o proceso, savo uso aunprindscharipe le Romendar taj Sintijendar ojs 6ti flogoskeri grupn vodintscha, andi nimtschki taj englitiki tschib dokumentirim ol. O terdschijiptscha andar oja cajt, kipenca, protokolenca taj lilenca sikade on.
Andi kenva te vakeriptscha barikane dschenendar andar i politik taj kultura taj aktivistkijendar taj aktivistschendar del, saven valaso la Romengera flogoskera grupnaha te kerel hi vaj save uso aunprindscharipe use sina. Hatek afka sar o bundakero presidento Alexander Van der Bellen, o aguno bundakero kancleri Franz Vranitzky vaj o muschikaschi Helmut Röhrling, adaj tschak poar lendar te akarel. Barikano restscha le schero le kulturakere farajnistar le austritike Romendar, Christian Klippl o vakeripe leskere imar mule batschistar Rudolf Sarközi, savo o di le aunprindscharipestar ojs jek, le lek schukareder dijestar ande leskero dschivipe, akartscha.
Sa ando jek, i kenva uso aunprindscharipe le Romendar ojs 6ti flogoskeri grupn, jek informacijakeri kvela hi, savi barikan o jekoschne jomi sikal taj dikipe andi flogoskeri grupn del. Te uschtidel hi i kenva „Gleiche unter Gleichen“, uso kulturakero farajn le austritike Romendar.