„Musikmosaik“ usar o jeneri 2024, saki srida usar 20.00 dschi 21.00 orenge taj usar 21.00 dschi 22.00 orenge, upro Radijo Burgenland te schunel hi. O butschaschkiji taj butschaschtscha le horvacke, ungrike, tschechitike, romani taj slovakitike redakcijonendar, i jek orengeri sendung, keverim keren.
Jek nevo upredipe
O erschti Musikmosaik ande Romani ando 10to jeneri, 21.00 orenge upro Radijo Burgenland te schunel hi. I ORF reporterkija Susanne Horvath, jek feschtimo muschikakero programo Rock-, Pop- taj Schlager-muschikaha ande Romani, presentirinel.
Musikmosaik 30 divesa dur palal te schunel hi
Sako sridonakero kirati, duj, jek orengere Musikmosaik-sendungtscha upro Radijo Burgenland, te schunel hi. O erschti duj sendungtscha ando 3ti jeneri 2024, 20.00 orenge andi horvachki taj 21.00 orenge andi ungriki tschib, te schunel sina. Ando 10to jeneri 2024 le „Musikmosaik“ andi tschechitiki tschib 20.00 orenge taj 21.00 orenge ande Romani, premijera hi.
Ando 17to jeneri, 20.00 orenge, o slovakitiko Musikmosaik i karika kisetinel taj akor papal o Musikmosaik andi horvacki tschib kesdinel. O Musikmosaik-sendungtscha 30 divesa dur, pedar ORF Sound, palal schunde schaj on.