„Ada barikano hi, kaj o tradipe taj murdaripe sar prasipe taj hecinipe, sar oda maschkar o nacijonalsocijalismus sina, schoha buter te al tromal", phenel o ÖVP- iskero flogoskero grupnengero vakeraschi Nikolaus Berlakovich. „Odoj use jek pativakeri gondolipeskeri kultura pekamli ol.“
O europitiko parlamento imar ando bersch 2015 o 2. august uso europitiko holocaustiskero gondolipeskero di le Romenge taj Sintijenge aun prindschartscha. Andi rat le 2. upro 3. augustiske 1944 valami 3.000 Roma taj Sinti ando logeri Auschwitz-Birkenau murdarde ule.