Nadine Papai ando sikajipe
Te vasch dschuvlengeri sor gelo, akor i Nadine Papai o lek feder sikajipe hi. I schtudirimi socijalantropologkija, schero le farajnistar Lebenszeichen hi. Khetan lakera organisacijaha, i betschitiki sajt buteder sar 20 berscha jeka feder cukunftake le manuschenge taj lengera naturake butschalinel. Amaro reporteri Adi Gussak ando Weinviertel kher la rodija.
Romnja-aktvismus
Romano Dikipe, 10to april 2022, 13:05 orenge
ORF 2 Burgenland | Live ORF TVthek
Agun o Heller rito jek nugodinipeskero than le Romenge sina. 2003 ada than akor, ando gondolipe upri Helene Huber, ando Baranka park prik akardo ulo. Oj i baba la aktivistkijatar taj kinstlerkijatar Ceija Stojka hi. Te pedar Romnjengero-aktivismus vakerdo ulo, akor na tromal lakero anav te falinel, mint ov but Romnjenge jek barikani dschuvli sina. Sar pe ada aktivismus pedar o berscha entviklintscha, schunen tumen ando aktujeli ardipe amare flogoskere grupnakere magacinistar.
10 berscha Romano Svato
Sar but avre aktivistscha taj aktivistkiji te o phenja Sandra taj Simonida Selimović gejng o pobisteripe le flogoskere murdaripestar upro Roma taj Romnja ando nacijonalsocijalismus ande tretinen. Ada te pumare festivaloha „E bistarde – Vergiss mein nicht“. O festivalo usar o 21to april dschi uso 24to april tel likerdo ol. Le dujenge restscha le klischejendar taj vaschoda on pumaro ajgeni teateriskero farajn kerde – imar angle 10 berscha, akan Romano Svato imar jek institucijona hi.
Erschti Sintijengero kulturakero di Betschiste
Sajt valami trin berscha imar le farajn Newo Ziro del, savo pe le socijali aunpaschlojipenge le Sintijendar taj le upre likeripeske la kulturatar ande bescharel. La botakera vodaschkijaha Natalie Bordt jek upre phageripeskero hango del. Akan i socijali butschaschkija o erschti Sintijengero kulturakero di organisirintscha.