O tschulipengero ischkolakero tschatschipe garantirinel le burgenlanditike horvackenge, ungrikenge taj sloventikenge, hot sako ischkolaschi o tschatschipe hi, o flogoskere grupnengere tschibtscha andi ischkola te siklol, phenel o Marin Ivancsics, anglebeschto le horvacke flogoskere grupnengere bajrotistar.
Sikadipe ando tschulipesngere tschibtscha ar te bulharel
Adala tschatschiptscha naschtig o dschene jeka flogoskera grupnatar aun len, te on avrutnon le Burgenlandistar vaj Kärnten dschin. Vaschoda beschharen pumen o flogoskere grupnngere bajrotscha ande, kaj ada tschatschipe upre sikadipe andi tschulipengeri tschib upri Austrija ar bulhardo te ol.
La flogoskera grupnake le sloventikenge, tschechitikenge ungrikenge Betschiste o tschulipengero tschatschipe na geltinel, vaschoda mangen o flogoskere grupnengere bajrotscha o glajchi tschatschiptscha le cile autochtoni flogoskere grupnenge andar i Austrija, phenel o Martin Ivancsics.
Talalinipe ando ministerijum le sikadipes angle diklo hi
O bundakero presidento Alexander Van der Bellen jek talalinipe le flogoskere grunengere bajrotenge adal kojake use phentscha. La integracijakera ministerkijaha Susanne Raab imar jek talalinipe dija, te le birovtschagoha andar o bundakero ministerijum le sikadipeske jek vakeripe dela.
O angle beschte le schov austritike flogoskere grupnendar taj lengere dujte schere hofinen, kaj ando terno dschend ada aunpaschlaripe upro than le duj tschibtschengere sikadipeskera kojatar prik beschardo te ol, phenel o Martin Ivancsics.
