O europitiko centro le tschatschipenge le Romenge (ERRC) le beschipeha ande Brüssel jek pisinipe ar dija pedar i situacija le Romane tschavendar. O dokumento bevertinel i situacija andi Bulgarija, Moldavija, Rumenija, la Slovakija taj la tschechitika republika. Sar anglal ari dschal, iste o regirungtscha sar i EU-akeri komisijona ando khetan hejnginipe jeke neve EU- tschatipengere lilistar le Romenge andar 2020 dschi 2030 mindschart valaso kerdo iste ol.
But Romengere familiji nan usegejipe uso socijali pomoschago taj pomoschage angloda tschulo adaj hi. Ada ari al, hot o Romane tschave le dajendar taj dadendar bejg lim on. O lek bareder koji hi bibastale atschipeskere khera taj o tschavengero tschoripe.