Reste sina valami 260 manuscha, odolendar buteder sar o epasch lendar tschave taj terne sina.
O dschena akan andi foroskeri turnakeri hala schaj dschidokle atschen. But fajerveriskero nipo odoj sina. Phare sina i buti lendar, kaj upre oda than nisaj pajengere lajtungtscha del. Kada o pajengere tanktscha le fajerverengere verdendar schutsche sina, iste usi paschengeri len phara butjaha papal o verdi phernahi.
O cile dschene ande jek turnakeri hala ande ule taj odoj corona test lenge kerdo ulo. O biro le forostar use jek pomoschago upre vrischtschndscha. Ov phentscha: „Amen adaj pedar igen tschore manuscha vakeras. Kaj le schaj schofinas, poar schel manuschenge than te lakel, kaj schaj atschen, sako pomoschago, te jek jagalo tee, pekamlo ol. Me dschanav, hot te poar mojakere pumen mobilisirinde.“ Manuscha andar o than habe, jagalo tee taj kada ande.