Dujto than le museumistar la Romengera-kulturatar hi, saveskero beschipe ande Brno/Brünn hi. I Jana Horváthová o schero odole kherestar hi: „O keripe le centrumistar upro kivanipe le holocaustiskere-prik dschivdendar taj upre odolengere dschene pal dschal. On kamna, hot jek talalinipeskero taj jek sikadipeskero than ande Prag kerdo te ol. Hat upre jek than, kaj pumen o dschene resen taj kaj te but dschene andar o andrutno- taj avrutno vilago aun an.“
Ojs museum, ham te ojs kulturakero- taj talalinipeskero than te dijaninel
O gondo hi le Čeněk Růžičkastar. O o anglebeschto le gremijumistar le opferendar le Romengere-holocaustistar hi: „Amenge asaj institucijontscha pekan, save amari schukar tradicija taj i Romengeri-kultura presentirinen. Oj but schelberschengero pomoschintscha amenge, ando khetaniptscha te dschil, save gejng amende na bibastale sina.“
Ada o erschti Romengero-centrum ando scheroskero foro ande aja forma ovla. Ande jek vila ando Prageriskero foroskero falato Dejvice jek baro kher 50 kherodaschenge dela, jek kafejiskero kher taj jek galerija. Jek seletoskero forma la adivesakera kunstake, la muschikake, la literaturake, le teateriske taj le filmenge te ol taj te programtscha le ischkolenge te del, phenel i Olga Vlčkováo, schero le centrumistar.
O bauninipe valami 45 milijoni krontscha (1,7 milijoni Euro) ovnah. O projekto andar o norvegitike fondscha pomoschago uschtidel.