Ov te dschi use pro mulipe ando Roma-Fonds use sina. Ojs duge berschengero mitglid pomoschintscha ov le Kulturakere frajniske le austritike Romenge use lengere aktivitetscha.
Ande leskeri funkcijona ojs biro le forostar Erba taj ojs thaneskero rot le burgenlandistar mindig le jek prado khan sina vascho aunpaschlaripe le Romendar. Ov ham te schaj kritisch ovlahi gejng o Romengere aktivistscha, mint leskero dikipe mindig sina o lek feder resipe la flogoskera grupnake le Romendar te resel. Ov frija iste amendar gelo. O Roma bara dukaha jek kedveschne pajtsaschi naschade taj leske iste adjeu phenen.
„Amen le Gerhard Pongracz mindig ande amare gondi ledschaha. Amare gondi ande aja phari cajt leskera familijake hi“, phenel brigaschne o Emmerich Gärtner-Horvath, anglebeschto le flogoskere grupnengere bajrotiostar le Romendar.