Ando bersch 1939 o aunphandlipeskero gondolipeskero than kerdo ulo. Ada jekoschno gondolipeskero than andi cili Austrija hi. Jek schtar ekigi, bulho säulengeri halle – utscho pedar i gemajndi Uprutni Schica taj dural imar te dikel hi. O umphiripe adale gondolipeskere thanestar but bersch imar cinkolinipe anlahi. 2016 i gemajndi o than pochtintscha, kaj ada bauninpeskero verk terdschol.
Akan o gondolipeskero than jek informacijakero- gondolipeskero-, taj siklipeskero than te ol, phentscha o biro Hans Unger (ÖVP). „Amen kamaha aja historija upre te butschalinel. Te siklol kamaha, kaj asaj koja schoha buter papal, sar o nacijonalsocijalismus te al taj i terni generacija sensibilisirim te ol“, phenel o Unger.
Informacijakere tablini upro bara
O keripe o kinstleri Andreas Lehner kerla. Leskere gondi ando 16. oktoberi le dschenenge andar i Uprutni Schica angle terdschardo ol. „Jek grundakero koncepto le kinstleristar imar terdschol. Le dschenenge ham loke presentirim lo te ol. Te gondi le dschenendar alo, akor kamlo o kinstleri adola upre te lel taj ando koncepto ande te fojnel te mukel“, phenel o Unger.
Upro than anglo gondolipeskero than kinstlerischi betonjakere taj bara upre terdscharde te on taj upre informacijakere tablini aunkerde ovna. Le keripeha le projektistar phenel o biro imar bojd kesdim te ol.