„Amnesty International“ varninel vascho na tschtschipengero ande likeripe gejng o tschuliptscha andi Europa.
O pisinipe, savo sridon ari alo, phukal pedar angle periptscha andi Bari Britanija, Francija, Espanija, Italija taj Belgija taj buteder schtotscha ando suditiko Europa. I Germanija ande ada pisinipe na upre lim ulo. O arajipe adale pisinipestar le medijendar taj lokali manuschengere tschatschipengere organisacijendar andi cajt merc dschi juni upre lim ulo.
Igen sorale o Roma, avre tschuliptscha taj naschipaschengere dschene ande aja coronavirus pandemija ar bescharde hi. Andi Bulgarija taj Slovakija o Roma, save ande sidlungen dschin iste ande o mujsinpeskeri karantene gele, phenel brigaschne o „Amnesty“. Ande o ande phiripeskero francitiko than Département Seine-Saint-Denis nordikon Parisistar, kaj but tschuliptscha taj avre ande phiripeskere dschene dschin o lojengereo schtraufinipeskero potschintschago trinval asaj utscho hi sar ande o avre thana ande i Francija, ando pisinipe phendo ol. Andi Belgija o manuschengere tschatschipengere aktivistscha maschkar o merc taj o ar le majistar buteder sar 100 angle periptscha le harendar vasch feleriskere falikeripestar facajchninen.