I kompinacijona andar kruschki taj mako vojaschno tumen kerel. Ada vodschikano, gulo pekipe tumaro di schukareder kerel taj tumare esbe liptscha ande tumende dschangarel.
So tumenge pekal:
200 g margarina
1 jatschkori vanilakero cukro
4 kuki
80 g mako (tel tradimo)
170 g cukro
180 ml thud
1 kg kruschki
1 citrona (soft odolatar)
prahoskero curko (le hintinipeske)
250 g jaro
1/2 jatschkori pekipeskero pulveri
Butschalinen afka
1. Le kruschkengere-makoschnoskere-pekipeske i petscha upre 160 °C jagali diha angle te fitinel. Denen akor upro bleho jek pekipeskero papruschi. I margarina le cukroha taj le vanilakere cukroha latsche te keverinel.
2. Paloda jek kuku pal o kija telal te keverinel. O mako akor use te del. O jaro le pekipeskere pulveriha khetan te keverinel. Akor minidg o thud telal te asdel. Te ada sa kertschan, denen o kisno humel upro bleho taj ulaven le latsche upre.
3. O kruschki iste thon, ko kamla schaj len te kuschel. Akor ulaven len ando dugipe taj lenen o mogi ari. Akan denen o citronakero soft pedar. Paschlaren akor o kurschki upro humel taj muken o pekipe valami 30 dschi 40 minuti te pekel.
Amenge akan tschak atschol, tumenge but voja uso keripe taj schukar sveco, tumare dschenenca te kivaninel. Atschen saste taj diken upre tumende!