Le regirungakere programo buteder sar 140 riktscha taj buteder sar 180 punktscha, konkreti kojenca taj jeka cajtakera dorikaha hi. Konkreti kojenca upro erschti duj, trin berscha koncentririm pe te ol. Jefkar buter phentscha o Doskozil, savo o anglebeschaschi la SPÖ-jakera regirungatar hi, hot jek phenipe la oratar hi, o va uso khetan butschalinipe te del taj te ando sako diveseskero thaneskero proceso o khetanipe anglo ulajipe iste terdschardo ol. Ada i buti le cile thaneskere partajendar hi.
O flogoskere grupn barikano than ande len
O flogoskere grupn ando Burgenland jek barikano than la identitetake amare bundakere thanestar ande len. Kaj o barikanipe le flogoskere grupnendar ando than utscheder te ol, i thaneskeri regirung uso upre likeripe le pekamle strukturendar le flogoskere grupnendar pomschinel. Andi glajchi cajt, te o but tschibtschakero vakeripe bajder ar baunim te ol. Le but tschibtschakere vakeripe ando Burgenland imar dugi tradicija hi taj o kulturtscha taj tschibtscha amare flogoskere grupnendar jek baro falato uso barikanipe amare thanestar use ledschen. On jek baro kultureli barvalipe hi, upre savo iste obocht das. Vaschoda le but tschibtschakere arsiklipeske amare tschavendar ando ischkoli, butvar ando flogoskere grupnakere tschibtscha, pomoschim ol. Bajder te pomoschim ol, hot o cajtscha, kaj o flogoskere grupn pumare tschibtscha ando mediji presentirinen, buteder te on.