Duzdar ande Lackenbach
On demand | Roma sam | 21.11.2016
ORF
Le eseri Romenge taj Sintijenge, save ando dujto haburi le nacijendar murdarde ule, but manuscha suboton lenge gondolinde. Sajt 1990 o gondolipeskero mulatintschago sako bersch uso gondolipeskero than ande Lackenbach tel likerdo ol.
Ada o erschti gondolipeskero mulatintschago hi palo meripe le Rudolf Saközistar, savo söbst ando aguno Romengero logeri le nacijonalsocijalistendar ande Lackenbach upro them alo. Leskero nefe o Christian Klippl akan leskero than ojs schero le Kulturakere farajnistar le Austritike Romendar ande lija. O Klippl ada di ojs „jek di le khetanipestar“ akartscha.
ORF
Roma sam | 21.11.2016
20:50 - 21:10 | Radijo Burgenland Livestream
Uso gondolipeskero mulatintschago, savo sako bersch i thaneskeri regirung taj o Kulturakere farajn le Austritike Romendar akarel, sina pasche o avre flogoskere grupn taj khangerengere fatretertscha andar i politika, te o thaneskero schero Hans Niessl, o thaneskero presidento Christian Illedits o Rudolf Strommer sar o aguno bundeskancleri Franz Vranitzky.
Le bundeskancleri Christian Kern uso gondolipeskero mulatintschago i schtotiskeri sekreterkija Muna Duzdar fartretintscha. „Amen akan adaj terdschojas upre jek than le bibastalipestar“, adale alavenca i schtotiskeri sekreterkija Duzdar pro vakeripe kesdintscha.
ORF
„Le valami 4.000 adaj ande tschapime manuschendar tschak 300 dschi 400 o logeri ando bersch 1945 prik tschivde“, palgondolintscha i schtotiskeri sekreterkija upro bibastalo keripe ando dujto haburi.
„Le gondolipeskere mulatintschagoha sar adaleha probalinas amen, o na angle tertschardo angle terdschardo te kerel taj te varninel, so pasirinel, te o khetanipe pharado hi“, phenel i Duzdar.
ORF
I schtotiskeri sekreterkija Muna Duzdar te upro Rudolf Sarközi pal te gondolinel mukla. Ov but berscha o schero le Kulturakere farajnistar le Austritike Romendar taj o erschti angle beschto le flogoskere grupnengere bajrotistar le Romendar sina. „Ov sina i tradimi sor, vascho aun prindschripe le Romendar ojs austritiki flogoskeri grupn“, phenel i Duzdar.
ORF
Le neve scheroske le Kulturakere farajnistar le Austritike Romendar Christian Klippl bedejtinel o bersch 2016 jek dukado bersch. I flogoskeri grupn ando bersch 2016 na tschak le Rudolf Sarközi naschatscha, amen te le farajn Ketani andi Uprutni Austrija sar le Farajn Roma Erbate naschatscham.
ORF
I klas 7B le gimnasijumistar Uprutni Puja uso gondolipeskero mulatintschago la temaha „Pobisteripe“ pumen donde bescharde. O ischkolaschtscha taj ischkolaschkiji o historischi faktscha le logeristar, le murdaripestar andi Polnija taj o khetanipeskero bedejtinipe le keripeha upre butschalinde taj odoj presentirinde.
ORF
Gondi jeke ternestar andar o logeri Lackenbach odoj ischkolaschendar phukade ule. I klas 7B kipenca o phukajipe vodinde, savo o esbe lipe taj angle periptscha le phukajipestar te dokumentirinel.
ORF
O ar le gondolipeskere mulatintschagostar jek khetane keresujakere tel paschliripeha kisetim ulo.
Ando ORF flogoskero grupnengero magacin „Servus | Szia | Zdravo | Del Tuha“ ando 11.12.2016, 13:05 orenge, ando ORF2 Burgenland jek sikajipe pedar ada gondolipeskero mulatintschago ande Lackenbach sikavla.
12.11.16 Tikni Martona | Bare raschaji mangen Romengere gondolipeskere thana
31.10.16 Ökumenischi mischa taj gondolipe ande Holzschlag