O tablini upro Roma ande Seewinkel palgondolinen
On demand | Roma sam | 8.10.2018
I flogoskeri grupn dugi cajt andar o „Chroniken“ taj o kolektivi gondolipe le gadschendar pal dschumim ulo. Taj ham meg del len, o jomi, savi meg mindg i eksistenc le Romendar ando Seewinkel sikan.
ORF
Roma sam | 8.10.2018 | 20:50 orenge | Radijo Burgenland livestream
O roasinipe ande Jois kesdinel, o jekoschno gav ando becirk Neisiedl am See, kaj le Romenge ojs opferengeri grupn le dujti haburistar andi forma duj tablinendar gondolim ol. Adaj delahi o lek buteder Roma andar o norditiko Burgenland.
ORF
Kaj upri flogoskeri grupn, save ando nacijonalsocijalismus ledschim taj murdarde ule, le raschajistar Franz Hillinger te palikerel hi, kaj upre lende gondolim schaj ol.
ORF
Te le biroske andar i gemajndi Jois, Johann Steurer, jek aunpaschlaripe hi, hot upro Roma gondolim te ol. Kekaj i gondolipeskeri tablini 2015 telal leskero angle gejaschi Leonhard Steinwandtner kerdi uli, dschanel ov saj barikano o gondolipe hi.
Ande Gols reslam amen le historikeri Fritz Radlspaeck. Ov imar but berscha le opferenca andar o nacijonalsocijalismus pe donde bescharel. Ov ar lakla poar Romendar odotar so lenca kerdo ulo.
ORF
I historija le Romendar ande Gols igen sorale le Romengere familijenca ande Mönchhof phandle sina. Ando gaveskero musejum Monchhof 2016 ulo, duach i inicijativa le historikeristar Herbert Brettl, jek bajderi tablina le Romenge tel utschardi uli.
O gadsche iste buteder pedar ada schunen taj adale temaske sensibilirim on, phenel o Radlspaek - akor erscht hi tut jek palgondolipe savo le gondolipeske mindig jek cukunft del.
Tip
Ando 14. oktoberi, kurkeste, te ando but tschibtschengero magacin „Servus, Szia, Zdravo, Del tuha“ pedar o Roma ande Seewinkel phukado ol.
13:05 orenge | ORF2 Lokal Burgenland