Bombakero atentato 1995 | kesdipe jeke parujipeskere procesistar
ORF
Roma sam | 4.2.2019 | 20:50 orenge Radijo Burgenland | livestream
But manuscha idsch uso gondolipeskero mulatintschago uso gondolipeskero than meri Roma sidlung Erbate ale, le schtar Romenge, Peter Sarközi, Josef Simon, Karl Horvath taj Erwin Horvath te gondolinel. O gondolipeskero mulatintschago, kaj i Manuela Horvath o schero hi, i Roma Pastoral la diöcesatar kertscha.
ORF
ORF
But pe le dschenenge parutscha
Palo atentato iste pe i flogoskeri grupn te la ajegeni identitetaha donde beschartscha. Jek proceso, savo te but latschipe angle antscha, sar pe o Emmerich Gärtner-Horvath, angle beschto le flogoskere grupnengere bajrotistar le Romendar, sicher hi. O bibastalo keripe ham nisaj kojaha latsche te kerel hi. Na tschak o upre lipe la flogoskera grupnatar pe parutscha, te o esbe lipe le gadschendar avrijal ulo. O atentsto le Romen upro jefkar upre sikatscha taj sako len te dikel kesdintscha.
ORF
Baro raschaj andar Szombathely Janos Szekely
Ada bersch te o baro raschaj andar Szombathely Janos Szekely uso gondolipe use sina. Ov ande pro vakeripe o barikanipe ari asdaj saj latscho ovlahi te jekipe le Romendar taj gadschendar delahi. I religijona jek phandlipeskero elemento hi, ham savi na avra ar tschapinel - katar lo al, ko lo hi. Ov pro vakeripe historijaha kesdintscha, jek brigaschno dromeha, save o Roma iste but schelberschengere iste tirinde taj gele. Pro vakeripe jeke molinipeha andi Romani tschib kisetintscha.
ORF
Biro Rosner | esbelipe le traumastar meg adaj hi
O atentato na tschak la flogoskera grupnake but parutscha. O keripe te la Erbake but irinipte antscha taj o esbelipe le traumastar esbe te lel hi. O biro Rosner upre sikal saj barikano o gondolipe taj palgondolipe hi. Asaj koja na tromal schoha buter te ol.
ORF
I muschika uso mulatintschago i Romani banda Romano Rath kertscha. I dschili „Soske“ palo atentao ternendar kerdo ulo taj o vodschikano esbelipe le dschenendar odoj te dikel sina.