„Roma-Butschu | Roma-Kirtag 2018“
On demand | Roma sam | 25.6.2018
Emmerich-Gärtner Horvath
Taj ada barikano kerdo ulo. Romano Rath, Bruji, Kalyi Jag sar i flogoskeri khelipeskeri grupn Siget, le mulatintschagoske use ada berscheskero Roma Butschu sorginde.
Emmerich-Gärtner Horvath
Emmerich-Gärtner Horvath
Jek, savo vascho aunprindscharipe le Romendar 1993 ojs flogoskeri grupn use sina, hi o organisator le Roma Butschujistar, schero le farajnistar Roma-Service sar o angle beschto le flogoskere grupnengere bajrotistar Emmerich Gärtner-Horvath.
Use leskero vakeripe ov ari asdija saj barikani i dajakeri tschib taj o terlikeripe latar hi, mint ov oda sina, savo la kodificirungaha la burgenlanditika Romana tschibtschaha kesdintscha.
Te o burgenlanditiko ungriko kulturakero farajn ojs cil le peske kertscha, i burgenlanditiki ungriki tschib upre taj ter te likerel.
Emmerich-Gärtner Horvath
Ada keren te o farajniskere grupn, sar i flogoskeri khelipeskeri grupn Tenu Erba taj Siget. Uso Roma Butschu o khelaschtscha butvar imar use sina. On ada bersch presentirinen pumare kheliptscha la flogoskera muschikana grupnaha Boglya andar Szombathely.
Emmerich-Gärtner Horvath
Ada sina jek mulatintschago le flogoskere grupnendar. Roma, Ungrike taj Horvacke, save khetan upri bühne terdschonahi, dschilavnahi ande pumare tschibtscha taj khetan o aunprindscharipe le Romendar ojs flogoskeri grupn mulatinde. Te i horvacki banda Bruji jek barikano phandlipe uso Roma esbe len taj bara vojaha on sina, kaj on upro Roma Butschu schaj cidine.
Andar o Ungriko i barikani banda „Kalyi Jag | Schwarzes Feuer“ ali, on upre sikade saj barikano o khetan likeripe le flogoskere grupnendar taj le gadschendar hi. Ada khetan likeripe upro Roma Butschu esbe te lel sina, but dschene le mindenfelitike hangenge use schunde.
Emmerich-Gärtner Horvath
I erbakeri banda Band Romano Rath pumare dschilenca i kirati ar te harongosinel mukle.