Nevo Romengero seelsorgeri Matthias A. Platzer
On demand | Roma sam | 19.12.2016
Meschteriskero schtudijum la theologijake taj historja
O Matthias A. Platzer ando decemberi 2011 le burgenlanditike bare raschajistar Ägidius J. Zsifkovics ando Tikne Martonakero dom uso raschaj sentelim ulo.
O Platzer andar Neunkirchen Telutna Austrijatar al. Ov jek meschteriskero schtudijum la theologijake taj historjake kertscha. Pal but berschengeri buti ojs religijonakero meschteri kesdintscha ov 2008 le arsiklipeha ando raschajengero seminar.
O erschti „Ober-Roma-Seelsorgeri“ o Werner Klawatsch 1995 sina taj ando glajchi bersch o referat le ethnische grupnenge la diöcesejatar Tikni Martona kerdo ulo.
1992 andi bare raschajengeri konferenca jek fartreteri le upre dipeha Roma-Pastoral upre dim ulo.
Le Romengeri seelsorgeriskeri buti hi, i identiteta le ethnischi tschulipestar te soralel taj te motivirinel, o alav te asdel, kaj on schaj peske pumenge söber te vakeren.
Roma sam | 19.12.2016
20:50 - 21:10 | Radijo Burgenland
Livestream
O Matthias A. Platzer aguneder o Kaplan Simehate, Batschibate taj Neumarkt ande Tauchental sina, taj i seelsorgeriskeri kordinacija andi schpita Erbate kerel.
Adventiskero gondo Tenu Erbate
Emmerich Gärtner-Horvath | ORF
O tradicijoneli burgenlanditiko Romengero adventiskero mulatintschago ada bersch Tenu Erbate sina. Organisirim ulo o adventiskero mulatintschago la Roma Pastoralatar taj le frajn Roma - Servicejistar, pomoschim ulo la gemajndi Tenu Erbatar. Ojs erschti dschilado ulo i Romengeri hymne „Gelem Gelem“ la Indira Gussakatar.
Emmerich Gärtner-Horvath | ORF
Emmerich Gärtner-Horvath | ORF
O oficijeli akaripe la Manuela Horvathatar kerdo ulo, schero le referatistar le ethnischi grupnenge la diöcesejatar, taj le Josef Horvathistar, biro andar i Telutni Erba.
Emmerich Gärtner-Horvath | ORF
Dschidokle o momeltscha aun dschivtscharde ule, o dschene dschila andi nimtschki taj Romani tschib dschlade.
Emmerich Gärtner-Horvath | ORF
O evangelijum o nevo Romengero seelsorgeri andar o Burgenland Mathias A. Platzer gentscha.
Emmerich Gärtner-Horvath | ORF
Uso kestajnengero pekipe taj uso puntsch jek familijakero khetanipe le Romendar taj gadschendar sina.