Mönchhof | Romengeri tablina tel utschardi uli

Ando gaveskero musejum Mönchhof harnon i pobisterdi historija le Romendar ando becirk Neusiedl am See jeka tablinaha le pradipeske prado ulo.

On demand | Roma sam | 7.11.2016

O schero le gaveskere musejumistar Josef Haubenwallner imar but berscha le pobisteripeske la flogoskera grupnatar le Romendar ande pe bescharel. Ov vidminel aja khetan le historikeriha Herbert Brettl jeka gondolipeskera tablinaha odole gavenge ande save o Roma agun dschivnahi.

Paloda o historikeri Herbert Brettl pedar i „Zigeunerpolitik“ maschkar 1921 taj 1945 ando becirk Neusiedl am See vakertscha. O genocid upro Roma taj Sinti ande ada becirk dugi cajt jek na aun vakerdi tema sina.

Christian Klippl, schero le Kulturakere farajnistar le Austritike Romendar phenel, hot ada igen barikano hi, kaj pedar i aguni historija ando Burgenland vakerdo ol.

Palo phukajipe i Roma banda Kislaptaros pra muschikaha jeke latsche khetanipeske sorgintscha.

Ternengeri konferenca uso „Antiziganismus“

Imar o triti var i ternengeri konferenca usi tema „Antiziganismus" - Putren le Jakha - Open your eyes“ ando ost tschechitiko Ostrava telal o schero la „Charita Ostrava“ tel likerdo ulo.

Kerdi uli i konferenca 2014 le betschitike farajnistar Romano Centro. Ada bersch 45 terne Roma taj gadsche andar i Tschechija, Austrija, Espanija, Ungriko, Rumenija taj Slovakija uso mulatintschago use sina taj jek kurko dur jek strategija ar butschalinde, kaj o rasismus taj i diskriminacija gejng o Roma pal dschumim te ol.

Link

Dorfmuseum Mönchhof

„Putren le Jakha - Open your eyes“ | Ostrava 2016
„Putren le Jakha - Open your eyes“ | Barcelona 2015
„Putren le Jakha - Open your eyes“ | Vienna 2014