Theodor Kramer uschtidipe le Stefan Horvathiske
O 16. Theodor Kramer uschtidipe le pisinipeske ando viderschtaund taj eksil 2016 ulatscha o Stefan Horvath le Gerhard Scheitiha. o lejcti suboton o patjaripeskero mulatintschago ando „Pfarrsaal“ ande Niederhollabrunn sina.
ORF | Yvonne Strujic
„Ada esbelipe patjarel man. Me dschanav soske le uschtidijom. Palo atentato buteder sar 20. berscha Erbate mro dschivipe pe parutscha. Me te pisinel kesdintschom, taj o erschtivar jek esbelipe uschtidijom , hot latschipe kerav“, phenel o Stefan Horvath.
ORF | Yvonne Strujic
O dukakero keripe le Romenca andi Austrija andi palutni cajt o pisinaschi ande pre kenvi la flogeskera grupnake taj le gadschenge upre kisetinel. Tschak o trin prosa verktscha na „Ich war nicht in Auschwitz“, „Katzenstreu" taj „Atsinganos. Die Oberwarter Roma und ihre Siedlungen“ pisintscha o Stefan Horvath te but poesiji „Begegnung zwischen einem Engel und einem Zigeuner“. Basirim upri kenva „Katzenstreu“ ari ali i schunipeskeri-CD le Karl Markovicsistar ojs vakerasschi.
„Mange na delahi dur jek koja, o dugo mirnipe pedar i historija le Romendar ando Burgenland te phagel. Erscht palo atentato ada man use micintscha. O upre butschalinipe le kerdojistar schoha kisetim ovla, me gondolinav, kaj o mule mindig vakerna taj o mirnipe mindig contra produktiv ovla“, phenel o Stefan Horvath taj oda meg sorale ari asdel , o bedejtinipe le godschikane dschanipestar pedar la palutna cajtatar. Tschak afka schaj o terne la cukunftake andral siklon.