Erschtivar o cile flogoskere grupn upro listscha le Selenendar ando Burgenland fatretim hi
On demand | Roma sam | 18.5.2015
Dieses Element ist nicht mehr verfügbar
Radijo Burgenland | Roma sam
18.5.2015 | 20:50-21:10 orenge
Radijo Burgenland | Livestream
But flogoskere grupnakere kandidatscha
„Jek barikano cajchn le Burgenlandiske hi, kaj pumen te but kandidatscha upre amare listscha laken, save mindenfelitike tschibtscha vakeren. Erschtivar hi, kaj o trin flogoskere grupn le Selenenge kandidirinen: Ungrike, horvacke taj jek Rom. Mange ada igen latsche tecinel. Khetan le upre likeripeske amare tschibtschenge taj jeke toleranti Burgenlandiske ande te bescharel amen kamaha“, phenel i Anita Malli, thaneskero schero le Selenendar taj kandidatkija uso thaneskero talalinipeskero völinipe.
Grüne Burgenland
O Martin Horvath, i Maria Racz taj i Anita Malli
„Andi aguni cajt, na delahi but Roma, save ande jek politischi partaj use sina, pedar jek kandidatura uso thaneskero talalinipeskero völinipe, na pekal vakerdo te ol. I cukunft le Burgenlandistar le Selenenge jek but tschibtschakeri cukunft hi, ande savi le cilen o glajchi schajiptscha hi. Taj ada hi, soske me man ande bescharav“, phenel o Martin Horvath.
Politischi gondo
„Le Romenge jek soralo hango ando pradipe pekal. Khetanipeskero gondo o jek koja hi, ham amen iste amen te ando politischi keripe ande anas“, afka o Horvath bajder. Ada te o gondo la Maria Raczatar hi, savi dscheno la flogoskera grupnatar le ungrikendar hi. Oj sajt 2012 ando Erbakero gemajndakero rot le Selenen fatretinel.
Grüne Burgenland
Asaj but terne manuscha na upre nisaj avre partajakere listscha te lakel. Ada gondo taj ada use phenipe uso Selene sikan, hot ada micinipe ando utschipe hi. Taj phendo schaj meg ol, hot desch kandidatscha flogoskere grupnakere tschibtscha, vakeren.
Buteder pedar, schunen tumen hetvin andi sendung „Roma sam“ upro Radijo Burgenland.