„Diversität in der EU | Testfall Roma“

„Diversität in der EU – Testfall Roma“. Kekaj o anav le mulatintschagostar eklik avrijal pe aun schunel, antscha o lejcti tschetertekon o Romano Centro taj o „ERGO Network“ (European Roma Grassroots Organisations) sar o „Haus der Europäischen Union“ Betschista telal ada anav but fatretertscha taj fartreterkiji le Romendar, sar andar i Italija, Rumenija, Belgija, taj Austrija khetan.

On demand | Roma sam | 12.11.2018

On diskutirinde ando „Haus der Europäischen Union“ Betschiste pedar i situacija la flogoskera grupnatar andi EU.

O Georg Pfeifer, schero le phandlipeskere birojistar le europitike parlamentistar andi Austrija, cidel ande pro pradipeskero vakeripe na latschipe pedar i situacija le Romandar andi EU.

Organisatorkija Irina Spartaru andar o farajn Romano Centro Betschiste dikel but keriptscha ande but koji, lek buteder, so o rasismus, „antiziganismus“ taj sar o kipo le Romendar ando pradipe diklo ol. Ande lakero vakeripe phukal oj pedar i strategija usi inklusijona le Romendar dschi 2020 taj te kritika kerel pedar lakero prk bescharipe. Andar i podijumakeri diskusijona latschi bilanc cidel.

I Dijana Pavlović, aktivistkija andar i Italija,upro them ali andi Serbija, vakerel usi podijumakeri diskusijona pedar i aktujeli situacija andi Italija. Saj o völinipe 2018 keren o „MoVimento 5 Stelle“ taj i rechtsnacijonali „Lega Nord“ i regirung telal o partajlosi ministeriskero presidento Guiseppe Conte. O ministeri le andrutneske Matteo Salvini, „Lega Nord“, ada bersch but Roma fajndlichi arphenipenca upre pelo.

„Roma registririm te on“

„He ada afka hi, amen regirung hi taj lek feder o ministeri le andrutneske, save phenen, hot o cile Roma registririm taj uschtade te on. O barikanipe adalestar sina i solidariteta le Romendar andi cili Europa ham te o protestscha, save angle o italenitiki botschoftscha andi Europa kerde ule. Amare protestscha, esertscha manuschendar save andi Europa protestirinde taj lila amara botschoftake bitschade, ada igen barikano cajchn sina. On sikade solidariteta pumare phenjendar taj phralendar andi Italija taj ada igen sorale sina“, phukal oj ando ardipe „Roma sam“.

Problemtscha ando siklipeskero- taj butjakero koja

I Sheena Keller, visenschoftlichi butjaschkija andi FRA | agentura le EU-atar le tschatschipenge, savi uso arbutschalinipe la strategijatar use sina, problemtscha esbe lel lek feder ando siklipeskero- taj butjakero koja, kekaj o gendo odole tschavendar, save i ischkola kheroden utscheder ulo. I strategija usi inklusijona le Romendar adaj gejng odola keriptscha valaso iste kerel.

O Péter Niedermüller, abgeordneti uso EU-parlamento, politikeri la partajatar „Demokratische Koalition“ ando Ungriko, andi diskusijona sorali kritika la EU-ake vaschi situacija le Romendar andi EU kerel. I diskriminacija Le Romendar na tromal afka bajder te dschal akan iste imar i dschivipeskeri situacija le Romendar feder ol taj na tschak thejorija kerdi te ol praksis aun phendo hi, phenel o Niedermüller.

O vakeripe i Katharina Janoska kertscha.

TIP

And 20. novemberi, 18:00 orenge, ando „Palais Epstein“ jek mulatintschagoskero akt uso „25 JAHRE ANERKENNUNG DER ROMA ALS SECHSTE ÖSTERREICHISCHE VOLKSGRUPPE“ diskusijonaha tel likerdo ol.

Diskusijonakeri karika
Mag. Dr. Gerhard Baumgartner
Visenschoftakero schero andar o DÖW

Emmerich Gärtner-Horvath
Anglebeschto le flogoskere grupnengere bajrotiostar le Romendar

Dr. Franz Vranitzky
Bundakero kancleri a.D. (aunphutschlo)

Mag.a Hannah Lessing
Generalsekreterkija andar o „Nationalfonds der Republik Österreich“

Moderacija
Serdar Erdost
ORF | Flogoskeri grupnakeri redakcija

Gondolipeskero mulatintschago Lackenbach

Aja subota 17.11.2018, akarel i burgenlanditike thaneskeri regirung taj o Kulturakeri farajn le Austritike Romendar uso sako berscheskero gondolipeskero mulatintschago ande Lackenbach. 11.00 orenge anglo gondolipeskero than ande Lackenbach.