„Than le gondolipeske“ | Gondolipeskero than Lackenbach
Gärtner-Horvath
On demand | Roma sam | 15.10.2018
Esertscha Roma andi cajt le nacijonalsocijalismusistar ando logeri Lackenbach ande tschapim ule taj ande avre logertscha odotar ledschim ule. 1984 upre oda than, kaj o „Zigeunerlager“ sina, jek gondolipeskero than le odoj ande tschapime Romenge taj Sintijenge kerdo ulo.
O Erich Schneller, journalist taj pisinaschi, phukal andi sendung Roma sam i historija andar Lackenbach.
Robert Jäger
Ande but gava ando Burgenland dija, dschi uso ande lipe le nacijonasocijalistendar, Roma taj Romane khera - ada akan ande aja cajt butvar pobisterdo ol, phenel o Erich Schneller, savo adi andi sendung kherodaschi hi.
ORF
Ande Lackenbach upre butschalinipe but berscha gondo le gondolipeske taj palgondolipeske kerdo ulo - te le dschenenge odoj, phenel o journalist.
O vakeripe le Erich Schnelleriha i Katharina Janoska kertscha.
Tip
O sako berscheskero gondolipeskero mulatintschago ande Lackenbach ada bersch suboton , 17. novemberi 2018 tel likerdo ol.
O gondolipeskero mulatintschago keserujakere tel paschlaripeha anglo gondolipeskero than le Romenge taj Sintijenge, save le nacijonalsosijalistendar murdarde ule, kesdinel 11:00 orenge.