Buteder sar 40 000 manuscha phenen: „MeTwo"|"MeDuj“

Te pantsch di palo ande anjipe le „Hashtags"istar "MeTwo“ i tema upre „Twitter“ meg mindig barikano hi. Sajt sridon buteder sar 40. 000 dschene pumrare „Tweets“ le „Hashtag"iha kerde. But lendar pedar rasismus ando ischkoli, upro drom taj andi pajtaschengeri karika phukan.

O inicijator andar „MeTwo“, pisinaschi taj aktivisto Ali Can, upro "Twitter palikertscha pe, kaj o "Hashtag laklo ulo taj asaj latscho aun lim ol. „MeTwo bareder ol. Ham akan kama tumenge vodschikan te palikerel. Tumen tumare persenlichi terdschiviptschengere historiji phukan, adaj but sor use pekal!", pisintscha o Can hetvinate. Afka niko schaj paloda phenel, hot nischta pedar ada dschantscha. " O pradimo diskurs akan kesdintscha.“

I akcijona „MeTwo“, andi Romani tschib „MeDuj“ upri diskriminacija tschulipendar upre te sikal, save pumen na tschak duach jek identiteta identificirinen. Poar lendar nimtschke taj muslimtscha hi, avre schitikna cipaha taj „Niedersachse“, taj avre imar but berscha andi Germanija, on ham te upre pumari kultura te dikel kamna, sar upri dajakeri tschib - taj vaschoda tel dikle le on.