O muschikaschi Janoska | Leskero use terdschojipe uso Burgenland
On demand | Roma sam | 14.5.2018
ORF
O Ferry Janoska, savo pe na ande jek ladlina te ispidel mukel, kekaj lo barikano dscheno hi , upri phuv atschino taj na pobisterel katar lo al taj ko lo hi. Jek Rom ungrike vurclinenca andar o slovakischi thenmeskero falato.
Ando lejcti berscha but ojs komponisto butschalintscha sar le Wiener Philharmoniker, Wiener Sängerknaben, Reinhard Fendrich, taj le barikane reschiseriha Peter Wagner.
Projektscha use sina, save leske o tschatscho drom sikade, phenel o Janoska andi sendung Roma sam.
Weber
Bandoneon | nevo armangipe
Angle poar berscha o Ferry Janoska jeke instrumentiha jek nevo kesdipe kesdintscha. Jek armangipe, mint o arodimo instrumento „Bandoneon“ jek komplicirti instrumento hi taj na loke te cidel hi. Ov ham majsterintscha le taj imar barikane kinstlerenca sar le Wiener Philharmonikerenca taj le Paul Guldaha cidija.
Nevi produktcija | maschkar o horvacko taj „Gypsy Swing“
Akan jek nevi produktcija kerel, kaj o horvacke flogoskere dschila nevi interpretacija uschtiden. Jek „Crossover-Projekt“ maschkar o horvacko flogoskere koji, „Gypsy Swing“ taj „Jazz“ elementscha.
Ferry Janoska | leskere hangi ojs phandlipe le burgenlanditike kulturendar