Anglebeschto Gärtner-Horvath kanditirinel la SPÖake ando 1. oktoberi

Emmerich Gärtner Horvath, schero le farajn „Roma-Servicejistar“ taj anglebeschto le flogoskere grupnengere bajrotistar, kanditirinel ada bersch la SPÖake. Ov la partajake igen pasche terdschol, phenel o anglebeschto ando vakeripe la Susanne Horvathaha.

On demand | Roma sam | 28.8.2017

Te leskero dad taj daj imar la SPÖ völinahi. On le barikane socijaldemokratistar Bruno Kreisky igen loschane sina.

O khetanbutschalinipe le gemajndenca use lesleri sakodiveskeri buti kerinel, phenel o Gärtner-Horvath. Vascho upre terdschajipe le gondolipeskere tablinendar taj o upre butschalinipe la historijatar taj forschinipestar le porajmosistar na dschal avrijal, hot iste le gemajndenca khetan butschalines. O upre butschalinipe la historijatar le Romendar meg but buti hi, phenel ov meg use.

„La butjake ando flogoskero grupnengero bajrot imar agun man ande bescharahi, kada meg o Rudolf Sarközi tel amende sina“, palgondolinel eklik brigaschne o nevo anglebeschto Gärtner-Horvath.

Ov ando khetano entschajdinipe le bajrotistar bescharel taj o pomoschagoskere loj le organisacijenge le Romenge taj Sintijenge leske baro aunpaschlaripe hi. Te odoj i buti nisaj politischi fa necinipeha na te kerel hi, ari asdel o anglebeschto.

• Schtotiskeri sekreterkija Duzdar gratulirinel le Gärtner-Horvath
• Nevo anglebeschto Gärtner-Horvath | Tschak autochtoni ando flogoskero grupnengero bajrot

Links

Verein Roma Service