Gondolipeskero tablinakero tel utscharipe ande Mörbisch am See
On demand | Roma sam | 30.1.2017
O tel utscharipe o biro Jürgen Marx kertscha.
ORF
ORF
Nevi formacija Samer David Trio
O David Samer, tschau le Hans Sameristar, ledschel o muschikano talento leskere dadestar ande peste. Ov imar sajt pro ternipe gitara cidel. Ando kesdipe le 70iger berschendar leskeri familija Betschiste geli, kaj ov 1977 upro them alo. Ov ando baro foro upre batschino, ham ando nugodiniptscha mindig ando Burgenland use pro nipo le cidlahi. Anglo poar berscha andi Erba tel pe mukla. Odoj akan o erbinipe pre dadstar prik lija taj i banda David Samer Trio kertscha.
ORF
David Samer (tschatschon)
O terno muschikaschi idsch o muschikano keripe ando Mörbisch am See kertscha.
Gondolipeskero tablinakero tel utscharipe ande Mörbisch
Ande Mörbisch am See i gondolipeskeri tablina ando gaveskero centro mer i Ruster Straße | Ecke Seestraße upre tertschardi uli. Upre terdschon o anava dschidovtschendar taj Romendar, save ledschim taj ando logertscha murdarde ule.
ORF
O upre tredschavipe la gondolipeskera tablinatar valami pantsch berscha pekamlo, phenel o inicijator Joachim Grössing, o masuno raschaj la gemajndatar Mörbisch.
ORF
Palo tel utscharipe molim ulo le masune taj katholischi raschajendar andar i gemajndi, o Rami Langer andar i „Israelitischen Kultusgemeinde“ Betschistar taj i Manuela Horvath andar i Roma pastoral.
ORF
Ari tradim, bari bok, taj ledschim
O historikeri Gerhard Baumgartner use pro vakeripe pedar o keriptscha andar i aguni cajt Mörbisch phukatscha. I Roma sidlung ando bersch 1900 kerdi uli. Ande aja cajt vasch i virtschoftlichi situacija ando ungriko len bitschade. Ande Mörbisch on ojs butschaschtscha ande i thaneskeri virtschoft ande bescharde ule.
Landesarchiv Eisenstadt
Len ham nana phuv, kaj schaj pumenge valaso schaj aun baunintschanahi. Ande i bari krisa 1930 la gemajndake baro pharipe kernahi. Valami vasch 60 dschi 70 Roma dschalahi, phenel o Baumgartner.
Gondolipeskero mulatintschago ando 5. feberi Erbate
O arto kurko phukal Roma sam pedar o gondolipeskero mulatintschago Erbatar. O bombakero atentat, kaj schtar Roma murdarde ule, ada bersch o 22. var hi. O Stefan Horvath, savo use ada atentat pre tschau naschatscha, presentirinel aja subota , 4. feberi, pri nevi kenva ando OHO. „So gewaltig ist nichts wie die Angst. Texte aus zwei Jahrzehnten“ butschol leskero terno verk.