I Rosa Schneeberger ando 17to april 1936 Betschiste upro them ali. Kada oj 5 berscha phurani sina, khetan lakera dajaha taj lakere phralenca taj phenjenca, le nacijendar ando logeri Lackenbach ledschim li uli. Ham but Romenge taj Sintijenge o logeri Lackenbach, tschak jek maschkarutni schtacijona sina, o lek buteder lendar ande bare murdaripeskere logertscha leschim taj murdarde ule. O dschivipeskere situaciji ando logeri Lackenbach bibastale taj namanuschane sina. O cile iste mujsinipeskeri buti kernahi. „Te amen, o tschave iste sako di upro mesuji butschalinahahi“, phenel i Rosa Schneeberger.
Radijo „Roma sam“ | 16to oktoberi 2023 | 20:50 orenge
Duach i sendung vodinel Susanne Horvath | Live Radio Burgenland
Kekaj phare iste butschalinahahi, tschak tschulo te hal delahi. O cile dschene sane sina. Jek tikno maro taj jek ripengeri sumi paloplanate, savi te hal nana, sa sina, soha jek familija o cilo di ar iste avlahi. „Cukro, buteri vaj thud, oda na prindscharahahi“, phukal i holocaustiskeri prik dschivdi, Rosa Schneeberger.
Vasch o tschulo habe taj o bibastale dschivipeskere situaciji, but Roma taj Sinti pereskero tifus uschtidine. Te i Rosa Schneeberger taj lakeri familija, adale nasvalipestar reste sina. But manuscha upre aja bakterijeli infekcijona mule.
Paloda o logeri Lackenbach ando bersch 1945 le rustitike nimcendar putrim ulo, i Rosa Schneeberger taj lakeri familija, papal Betschiste pal gele. O terdschijiptscha andar oja cajt taj i briga, pedar o but murdarde familijakere dschene, dschi adi dukan la. La Sintiza dar hi, hot asaj bibastali cajt papal schaj al, vaschoda phukal oj lakere terdschijiptscha, kaj o terne generaciji obocht te den.
17 berschenca, i Rosa Schneeberger lakere mursche te prindscharel siklini taj ande Kärnten jek familija leha kertscha. Oj schtar tschaven parvartscha taj adi, jek barikani baba efta enklinendar hi li.