Ando keripe adale ardipestar, imar buteder projekti kerde ule. O ardipe afka o schajipe del, neve projektenca uso keriptscha le lejcti berschendar aun te phandel. Afka i firma itworks Personalservice jek schpecijeli projekto Romenge taj Sintijenge kertscha. O projekto ando vusko khetan butschalinipe la organisacijaha Kulturverein Österreichischer Roma konciprim ulo.
Radijo „Roma sam“ | 28to august 2023 | 20:50 orenge
Duach i sendung vodinel Susanne Horvath | Live Radio Burgenland
Cil le projektostar hi i upre likerdi integracija, socijali fanecinipe taj soraljaripe le Romendar taj Sintijendar upro butjakero foro, but berotinipeha, butjakere thanenca taj pomoschagoha uso cile problemtscha taj phutschajiptscha, save ando khetan phandlipe le butjakere kesdipeha vaj le butjakere feder keripeha, del.
I Asiba Salioska, savakeri daj taj savakero dad andar i nord Macedonija hi, sajt 2016 ande projekti butschalinel, save pumen la ciliskera grupnaha donde bescharen. Pasche norditike macedonitike Roma, aktujeli te Romenge andar i Serbija, Rumenija, andar o Ugriko taj andar Litauen pomoschinel. Lakere klijentenge o falime nimtschke tschibtschakere dschaniptscha jek baro problemo hi, ham te o anticiganismus upro butjakero foro meg mindig esbe te lel hi, phenel i Salioska.
I Tünde Mago, butvar tschak Romen taj Romnjen andar o Ungriko taj andar i Slovakija berotinel. Oj phenel, hot butvar o tschave telal o nabutschalinipe lengere dajendar taj dadendar tirinahi taj vaschoda oj mindig pal financijeli pomoschago le tschavenge rodel. Te lakere klijentscha, le anticiganismusiha upro butjakero foro konfrontirim hi, sar oj phenel.
Le dipeske o dschene nischta na pekan te potschinel taj uso cile Roma taj Sinti pe irinel, save berotinipe aun te lel kamna. Aktujeli o berotinipeskero schajipe andi nimtschki, bosnitiki, horvacki, macedonitiki, serbitiki, ungrik tschib taj ande Romanes del.