Jomakero rodipe ande Holzschlag
Amari serija pedar o naschade Romengere-sidlungtscha ando Burgenland bajder dschal. O ORF reporteri Adi Gussak akan ande Holzschlag dromeske hi. Adaj sajt o kisetinipe le 18to schelberschengerostar Roma dschin. Angle 1945 adaj i lek bareder Romengeri-sidlung le Burgenlandistar sina, valami epasch le dschenendar, Romnja taj Roma sina. Adi, tschak jek Romni ando gav dschil, ande amari reportascha, oj upre lakeri tschavengeri cajt taj upre lakeri familija pal gondolinel.
O arto ardipe la sendungatar „Romano Dikipe“ ando 16to april, 13.05 orenge ando ORF 2 Burgenland, sikdo ol. I sendung efta divesa palo erschti sikajipe andi ORF TVthek meg aun dikli schaj ol.
Internacijonali Romengero Di
Te ada bersch papal o Internacijonali Romengero Di ando 8to april, mindenfelitike mulatintschagenca, mulatim ol. Andi Austrija, use jek barikano jubilejum te mulatinel del: angle 30 berscha o Roman andi Austrija ojs flogoskeri grupn aun prindscharde ule. O Mario Czory pedar o mulatintschage uso Internacijonali Romengero Di Betschiste phukal.
Flogoskere grupn ando parlamento
Uso lejcti talalinipe la afka akarda dialogoskera seletoskera formatar, i Sensiro-schtudija usi situacija le Romendar andi Austrija, angle terdschardi uli. I dialogoskeri seletoskeri forma le nacijonakere rotschengere presidentostar Wolfgang Sobotka kerdi uli taj ada bersch, o dujtovar sina.
Sikadipeskere diptscha le flogoskere grupnenge
Tschave, save andar o flogoskere grupn an, lengere tschibtscha usar i tschavengeri bar dschi usi matura, te siklol te dschanen. Sar ada dipe feder kerdo schaj ol, vaschoda gelo uso lejcti talalinipe le Forum4Burgenlandistar Tikne Martonate.
Patijaripe la Ceija Stojkake
I Ceija Stojka jek le lek feder prindscharde kinstlerkijendar andar i flogoskeri grupn le Romendar andi Austrija hi. I ando Schtacko upro them ali, ojs tschaj buteder logertscha prik dschivtscha taj palo haburi lakere kenvenca taj kipenca, prindscharipe uschtidija. Akan ande Neusiedl am See jek artschijipe lakere kipenca prado ulo.
Tony Wegas ando Radio Burgenland muschikakero merc
Ando 1ti merc o kesdipe le „Radijo Burgenland muschikakere merciske“ sina. Ada bersch o lek prindscharde dschene le austritike popistar upro dschene le austritike kabaretistar reste. Ande jek burgenlanditiko talalinpe, reste pumen i kabaretistkija Eva-Maria Marold taj o aguno austritiko Song Contest dschilaschi Romegere vurclinenca, Tony Wegas.
Tschibtschakero kurs „Romani lernen – Romani te siklol“ bajder dschal
Taj te adi papal jek tikno tschibtschakero kurs ande Burgenland-Romani del. Amen alava angle terdscharas, save andi aktujeli sendung mindig akarde ule taj gondolinas, hot adaleha tumaro interesi upri tschib le Romendar, schaj dschangaras.