Ada di, angle buteder sar 100 berscha kerdo ulo. Vidschik upro them, but akcijontscha taj demonstracijontscha manuschendar del, save pumen buteder glajchi terdschojipeske le dschuvlenge, and bescharen. O di jek simbol le glajchi terdschojipeske maschkar murscha taj dschuvla hi.
Imar 1910 maglahi i nimtschi socijalistkija Klara Zetkin, o and vodinipe jeke dschuvlengere dijestar. Uso pativ le terdschojipeske le dschuvlendar andi revolucijona, upri dujti internacijonali konferenca komunistischi dschuvlendar 1921 ande Moskau, upro angletschalajipe la bulgaritika delegacijonatar, o 8to merc ojs internacijonali gondolipeskero di, and vodim ulo. O datum upri revolucijona le taneskere butschaschkijendar ande New York 1857 pal gondolinel, kaj 129 butschaschkiji pumaro ileto naschade taj te upri revolucijona le taneskere butschaschkijendar 1917 ande St. Petersburg.