Avrijal sar ando lejcti duj berscha, kaj Austropop-legendi, khetan terne prindscharde Austropop-dschenenca neve dschila interpretirinahi, o Radijo Burgenland ada bersch upri voja bescharel: „Austropop resel Kaberett“ hi o adaberschengero moto.
Tschetertekon ando 2to merc, o prindschardo Romengero-dschilaschi Tony Wegas taj i Eva Maria Marold, o kherodaschtscha ando „Muschikakero merc“ ando Radijo Burgenland hi.
Pasche resen pumen bariptscha sar o Hans Krankl taj o Lukas Resetarits, o Gery Seidl taj o Christian Kolonovits, o Viktor Gernot taj o Reinhold Bilgeri, o Thomas Stipsits taj o Boris Bukowski, o Rudi Nemeczek taj o Thomas Spitzer (EAV) uso baro vakeripe taj khetan te muschika kerna. Ada barikano „Muschikakero merciskero-dujengero talalinipe“ ande aja forma, tschak upro Radijo Burgenland te schunel hi.