Publikationen in Romanes
Verein Roma-Service
Verein Roma-Service
TSCHIB

Internacijonali Di la Dajakera Tschibtschatar

O Internacijonali Di la Dajakera Tschibtschatar la UNESCO-jatar ar vrischtschando gondolipesker di uso „Pomoschago le tschibtschakere taj kultureli mindenfelitikostar taj le but vakerde tschibtschenge“ hi. Ov sajt o bersch 2000, sako berscha ando 21to feberi mulatim ol.

Publikationen in Romanes
Verein Roma-Service

Anglo koja, hot epasch le vakerde tschibtschendar upro cilo them le ar meripestar fogosim hi, i UNESCO upri jek rik o pomoschago le tschibtschendar ojs cajchn la kultureli identitetatar le vakeraschendar, upro astavi peske pisintscha. Andi avri rik dschal lake te vascho avrothemutno tschibtschakero sikajipe taj o but tschibtschakero vakeripe ojs barikano koja uso khetano hajojipe taj respekto.

Amen Roman Pisinas
Verein Roma-Service

O sako berschengero gondolipeskero di le sikajipeske le tschulipengere tschibtschendar, save tschuleder sar 10.000 manuschendar vakerde on, nucim ol. Butvar o tschibtscha na on le avre generacijenge bajder dim taj vaschoda pobisterde le on. But tschibtscha, save tschuleder sar schel manuschendar vakerde on, dschijakan meg na khetan kedim taj dokumentirim ule. Jek barikano pharipeskero punkto 2005 sina o cajchnengere vakeriptscha le kaschukenge taj o brajliskero pisinipe le korenge.