Andreas Lehner, Horst Horvath, Feri Janoska jun.
Roma VHS
Roma VHS
ROMA SAM | KULTURA

EU-projekto DREAM ROAD | Roma VHS Burgenland khetan astarel

O Interreg-projekto „DREAM ROAD“ imar sajt o juli 2020 naschel. Ando decemberi 2022 ar lo sina. Pasche 15 projektoskere partnertscha andar 10 mindenfelitike vilagi le Donaujiskere thanestar, te i Austrija duach i Roma VHS Burgenland, fatretim sina. Khetan ande odola 30 masektscha upro cil, o soralipe le flogoskere grupnengere dschenendar taj upro feder keripe lengere dschivipeskere situacijendar, butschalim ulo.

Andreas Lehner, Horst Horvath, Feri Janoska
Roma VHS
Andreas Lehner, Horst Horvath taj Feri Janoska usi reporterengeri konferenca

Ando maschkaripe le decemberistar, i kisetinipeskeri reporterengeri konferenca ando khera la burgenlanditika flogoskera utscha ischkolatar Tikne Martonate, sina. O anglebeschaschi la Roma VHS-atar Burgenland, Andreas Lehner, o botakero vodaschi Horst Horvath taj o Feri Janoska, ojs dujto anglebeschaschi, le cile resultatenca vojaschne pumen sikade. Jek barikano punkto sina i politischi participacijona le Romendar. Use adala cile angledschajipeskere jomi ando lejcti 30 berscha, bojd nisaj usedschajiptscha use politischi barikane procestscha dija, phenel o Andreas Lehner.

Radijo „Roma sam“ | 23ti jeneri 2023 | 20:50 orenge

Duach i sendung vodinel Susanne Horvath | Live Radio Burgenland

Ando oktoberi 2021 ando keripe jeke talalinipestar, fatreterendar le jekoschne Romengere-organisacijendar taj manuschendar, save pumen imar duge la temaha donde bescharen, o kivanipe dija, hot jek centrali palgondolipeskero- taj gondolipeskero than le cile Romenge andi Austrija, te del. Vaschoda, ando lejcti bersch ando april, jek posicijonakero papruschi, fatreterenge la regirungatar taj le parlamentoske prik dim ulo. O usephenipe uso prik bescharipe taj financirinipe la politikakera rikatar taj o khetano handlinipe le Romengere-fatreterndar, o Andreas Lehner ojs baro jerinipe dikel.

Übergabe des Positionspapieres im Parlament
Roma VHS
Prikdipe le posicijonakere papruschistar ando parlamento

Jek avro cil ando keripe le EU-projektostar „DREAM ROAD“ hi o telbauninipe la diskriminacijatar. I trenerkija Melinda Tamas, sava ando than antirasismus taj antidiskriminacija, but berschengero dschanipe hi, workshops kertscha, kaj butvar le dschenenge andar i flogoskeri grupn ham te le pedagogkijenge taj avre manuschenge, saven interesi hi, o schajipe uso usedschajipe dija. Pedar adala multiplikatortscha o koji adale workshopendar, butvar ischkolaschkijenge taj ischkolaschtschenge, bajder ledschim te on.

DREAM ROAD LOGO
ROMA VHS

Sa ando jek, o Andreas Lehner o projekto ojs jerinipe le entvikliniptschenge andi flogoskeri grupn, dikel. „But koji kisetim ule, save i situacija la flogoskera grupnatar feder kerna“, afka o anglebeschaschi la Roma VHS-atar Burgenland.