Andi lejcti sendug angli boschitscha, hatek vasch o tradiciji le flogoskere grupnendar pasche o sveci, dschal. Bastlim, dschilado taj peklo ol taj oda, ande schov tschibtscha.
Boschitschane kivaniptscha le flogoskere grupnengere redakcijendar
ČEŠI | Musical „Rebelové“ pedar jek baro kamipe
Uso kesdipe la sendungatar phukal o musical „Rebelové“ pedar jek baro kamipe, savo le Prager Frühlingiha 1968 khetan phandlo hi. Amen phukavas pedar o sikajipe la teateriskera grupnatar Vlastenecka omladina ando teateriskero baro kher la Komensky-ischkolatar Betschiste.
ROMA | Romengero advent Erbate
Pal duj berschengero nugodinipe vasch Corona, ada bersch papal o tradicijoneli Romengero advent tel likerdo ulo. O adventiskero mulatintschago, savo le farajnistar HANGO ROMA kerdo ulo, jek mindenfelitiko programo andar geniptscha taj muschika, sikatscha.
SLOVÁCI | Lebkuchlinengero upre schuscharipe
Use jek slovakitiko boschitschano mulatintschago, hatek te lebkuchlini kerinen. Ando farajn Marjánka, o tschave lengere lebkuchlini, tschivkaha, savi te hal hi, upre schaj schuscharde. Use, te but pedar avre slovakitike boschitschane tradiciji, schunde.
MAGYAROK | Ungriki botschitscha andi Wart
Kanastschengere- taj beschujengere kheliptschen andi ungriki anglutni boschitschani cajt, igen dugi tradicija hi. Dugi tradicija hi te le khetane adventiskere mulatintschago le ungrikendar andar i Wart ando cajchn la ökumenejatar telal o anav „Nagykarácsony éccakája".
HRVATI | Betschuja andar Stinatz/Stinjaki
O Peter Grandits andar Stinatz, jek kamlo betschujengero keraschi hi. Jek bersch palo kija bersch, jek beschujengero gav angle leskero kher upre bauninen – jek barikanipe na tschak le dschenenge andar Stinatz.
SLOVENCI | Boschitschani dschili la slovenitika redakcijonatar
Uso kisetinipe, dschilal i slovenitiki redakcijona le ORF-istar Kärnten i dschili „Daj oznanjaj“, pal jek prindschardi dschili, slovenitike tekstoha.
Amen kivaninas Frohe Weihnachten | Blažen Božić | Kellemes Karácsonyi Ünnepeket | Latschi Boschitscha | Veselé Vianoce | Veselé Vánoce!