Jek barikani buti so duj institucijonendar hi, o tschatschiptscha la NS-tradipeskera- taj murdaripeskera politikatar, arte generacijenge upre te likerel. O USHMM, savo imar 2003/04 ando keripe leskere cile themeskere kvelengere khetan kedipestar, andar o originaltscha le KZ-gondolipeskere thanestar Mauthausen mikro filmtscha kertscha, sajt dugi cajt, kopiji andar archivtscha upro cilo them khetan rodel, afka te ando austritike archivtscha, save la NS-cajtake relevanti dokumentscha khetan keden, andi forma digitalisatendar.
Te o KZ-gondolipeskero than Mauthausen imar sajt berscha upro digitalisirinipe le cile khetan kedime thanendar butschalinel, usar historijakere-vakeriptscha, fotografiji dschi otscha use kinstlichi iriniptscha le tschatschikane kojendar taj te pisiniptschendar. Vascho but neve use ale koji le leicti berschendar, phendo ulo, hot i 20 berschengeri koperacijona, nevardi ol.
Digitalisirinipe but schel eseri dokumentschendar
Hetvinakero paloplane, i direkterkija le KZ-gondolipeskere thanestar Mauthausen, Barbara Glück, andi austritiki botschoft ande Washington, khetan le scheroha le archivistar taj le kuratorischi terdschijiptschenca upro USHMM, Zachary Levine, o arkerdo telal pisintscha.
Ande ada khetan butschalinipe o USHMM ando arto bersch, but schel eseri riktscha andar dokumentscha digitalisirinla, save akor forscherenge, dschenenge le opferendar taj avre interesirime dschenenge andi Austrija, ham te andi USA, usedschajipe den.