Roma Podcast
ORF
ORF
Nevo dipe

Flogoskere grupnengere sendungtscha ojs podcast

O ORF Burgenland pro dipe le flogoskere grupnenge andi Austrija bulharel. Akan o radijoskere magaciniskere sendungtscha andi burgenlanditiki horvacki, burgenlanditiki romani, slovakitiki, tschechitiki taj ungriki tschib, te ojs Podcast schunde schaj on.

Meg jek dipe le flogoskere grupnenge

„Palo and vodinipe la neve upri Austrija al bulharda televisakera-sendungatar WIR | ČEŠI, HRVATI, MAGYAROK, ROMA, SLOVÁCI, SLOVENCI ando septemeri ada o arto, nevo dipe le ORF-istar Burgenland le flogoskere grupnenge hi“, phenel o ORF Burgenland thaneskero direkteri Werner Herics. Le flogoskere grupnengere podcastenca upro kivaniptscha la terneder generacijatar ande dschas. Vakeriptscha, reportaschtscha taj phukajiptscha afka naphandlo le sendinipeskere datumistar, andi ajgeni flogoskeri grupnengeri tschib, schunde schaj on, afka o Herics bajder.

Online-Seite für die ORF-Volksgruppen-Podcasts
ORF

„O ORF-flogoskere grupnengere-podcastscha jek bajder entviklinipe le radijoskere dipestar hi“, phenel i Dorottya Kelemen, schero la ORF-flogoskera grupnengera redakcijonatar ando Burgenland. Sakona tschibtschake jek ajgeni podcastakero kanal kerdo ol.

Podcastscha ande pantsch tschibtscha

Telal ORF Hrvati Podcast o cile magaciniskere sendungtscha andi burgenlanditiki horvacki tschib usar „Kulturni tajedan“ dschi „Živo Srebro“, te lakel hi. Ando ORF Magyarok Podcast o barikane falati andar o sendungtscha „Magyar Magazin“ taj „Színes Kultúránk“ palal schunde schaj on. O ORF Roma Podcast o sako kurkoskere Romengere sendungtscha „Roma sam“ khetan astarel, ORF Češi Podcast o phukajiptsscha andar i tschechitiki sendung „Rádio Drát‘ák“ taj o ORF Slováci Podcast andar i slovakitiki sendung „Rádio Dia:tón“.

34 radijoskere sendungtscha ando kurko

I flogoskeri grupnengeri redakcijona le ORF-istar Burgenland, sako kurko 34 radijoskere senduntscha le flogoskere grupnenge le burgenlanditike horvackendar, le Romendar, le slovakitikendar, le tschechitikendar taj le ungrikendar, kerel. O sendungtscha live vaj on demand upre ORF Sound schunde schaj on.