O bundakero botakero vodaschi le flogoskere pomoschagostar Austrija, Erich Fenninger, ande leskero vakeripe phentscha, hot o ferantvoatinipe usi rik la flogoskera grupntar le Romendar terdschol, kaj on meg mindig na glajchi kojenge taj diskriminacijenge upro butjakero foro taj ando sako diveseskero dschivipe, ar bescharde hi. Le Fenningeriske te barikano hi, le flogoskere grupnengere dschenenge te pomoschinel, mint on maschkar o NS-reschim tradim taj murdarde ule.
Radijo „Roma sam“ | 14to novemberi 2022 | 20:50 orenge
Duach i sendung vodinel Susanne Horvath | Live Radio Burgenland
I Usnija Buligovic imar sajt valami 8 berscha o schero le flogoskere pomoschagoskere projektostar THARA hi. Lakere butja hi o koncipirinipe taj o prik bescharipe neve diptschendar. Bajder, oj ojs butjakeri beroterkija le Romnjenge taj Romenge butschalinel. Le flogoskere grupnengere dschene butvar socijali virtschoftlichi problemtscha hi. Uso use roasime Roma, igen butvar tschibtschakere barijertscha andi erschti rik terdschon, afka i Usnija Buligovic, savi meresch upro keripe le projektostar THARA, pal gondolinel.
Jek berotinipeskero termin use THARA tschak pal jek harangoskero terminiskero ar keripe vaj online, uschtides. Sajt i Corona-cajt le klijentschen akan te o schajipe hi, jek harangoskero- taj videjoskero berotinipe te uschtidel taj lengere berotinipeskere vakeriptscha akan te pedar socijali mediji schaj keren. O diptscha nan tschak le manuschenge, saven buti nan, on te butvar manuschendar butjaha nucim on, saven interesi hi, jek bajder sikadipe te kerel, phukal i Usnija Buligovic.
Butvar o arvirkiniptscha la Corona-krisejatar taj le aktujeli haburistar le khetan phandle kutschiptschenca taj la utscha inflacijonaha, le socijali na sorale manuschenge, akan igen brigaschne duka anen. I Usnija Buligovic te le berscheske 2023 meg avre kutschiptscha uscharel, save te le manuschen ando THARA projekti, financijeli phare resna.