Opener
ORF
ORF
NEVO FLOGOSKERO GRUPNENGERO TV-MAGACIN

Nevo efta tschibtschakero TV-magacin „WIR“

O nevo TV-magacin „WIR“ le ORF-istar Burgenland, jekoschno andi historija le ORF-istar hi: Ov ande efta tschibtscha hi taj andi nimtschki tschib moderirim taj telal pisim – o cile flogoskere grupn la Austrijatar angle an. Kesdipe hi kurkeske, 8.45 orenge ando ORF III.

"Le televisakere magaciniha „WIR | CESI, HRVATI, MAGYAROK, ROMA, SLOVACI, SLOVENCI“ o ORF jek nevo drom dschal, phentscha o ORF-thaneskero direkteri Werner Herics. La neva sendungaha o ORF meg jek seletoskeri forma le schov autochtoni flogoskere grupnenge andi Austrija del. O sikajipe andi cili Austrija vasche sorginel, hot o flogoskere grupn meg feder ando dikipe le khetanipestar dschumim on. O nevo magacin barikane uso and likeripe le pradime-tschatschipeskere upre dipestar le cile andi Austrija dschivde manuschenge use ledschel, phentscha o ORF-generaliskero direkteri Roland Weißmann.

WIR – Logo
ORF
Logo le neve TV-magacinistar

Sako dujto kurko ando ORF III

„WIR“ sako dujto kurko, 8.45 orenge ando ORF III sikado ol. O nimtschko telal pisinipe odoleske sorginel, hot o cile austritikiji taj austritike i sendung te hajon. O telal pisinipe o use dikaschkiji taj use dikaschtscha pedar i ORF-teletekstoskeri rik 777 opcijonali tel schaj vrischtschanen. Kerdi ol i sendung la flogoskera grupnengera redakcijonatar le ORF-istar Burgenland ando khetan butschalinipe la slovenitika redakcijonaha le ORF-istar Kärnten. Moderirim ol i sendung jefkar la Romnjatar Katharina Graf-Janoska taj jefkar la burgenlanditika horvackijatar Julia Hamedinger.

VG-Redaktionsmitarbeiter
ORF
Reporterkiji taj reportertscha la flogoskera grupnengera redakcijonatar

Schov falati ando flogoskere grupnengere tschibtscha

Jek efta tschibtschakeri sendung te kerel jek bari buti hi, savi tschak latsche dschenenca te schofinel hi, phentscha o schero la flogoskera grupnengera redakcijonatar le ORF-istar Burgenland, Dorottya Kelemen. I epasch orengeri sendung schov falati ando flogoskere grupnengere tschibtscha sikal, o nimtschke moderacijontscha jek elemento hi, savo khetan te phandel.

Feschtimo temakero mindenfelitiko

Andi erschti sendung ando 11to septemberi, dschal vasch o Romengero ladipe Cejiste, vasch o lek terneder koncerto la burgenlanditika horvacka bandatar Lole, vasch o rodipe pal austritikiji taj austritike tschechitike vurclinenca use jek phiripe pedar o betschitiko centrali temetischi taj vasch jek krejativi linajiskero mulatintschago le slovenitike-tschibtschengere tschavenge ande Kärnten. Romantischi ol uso burgenlanditiko-ungriko bijav andi Tenu Erba taj muschikano uso sikajipe jeke terne slovakitikestar Betschistar, savo virtujosi upri Fujara cidel, jek bojd duj meterengero dugo, tradicijoneli phudipeskero instrumento le slovakitike kanastschendar.

Offizielle Präsentation
ORF
Oficijeli presentacija le TV-magacinistar „WIR“

Bari presentacija ando thaneskero schtudijo Burgenland

I nevi sendung, keden ando thaneskero schtudijo Burgenland ando keripe jeke presejakere vakeripestar le ORF-thaneskere direkteristar Herics, angle terdschardi uli. Usi presentacija ale o ORF-schtiftungakero rot Christian Kolonovits, ORF-publikumiskero rot Josef Buranits, Marijan Velik, schero la slovenitika redakcijonatar taj ORF-III-scheroskeri reporterkija Lou Lorenz-Dittlbacher taj te o anglebeschaschtscha le flogoskere grupnengere bajrotendar Karl Hanzl (tschechitike), Stanko Horvath taj Martin Ivancsics (burgenlanditike horvacke), Emmerich Gärtner-Horvath (Roma), Attila Somogyi (ungrike).