Dschi 500.000 Roma taj Sinti vasch o rasakero gondo le nacijonalsocijalistischi teroriskere-reschimistar, murdarde ule. Valami 10.000 lendar, andar i Austrija sina. Ande jek rat, usar o 2to upro 3ti august 1944, ando logeri Auschwitz-Birkenau valami 3.000 Roma taj Sinti murdarde ule: Tschave, dschuvla taj murscha.
Nisaj nacijonali gondolipeskero di andi Austrija
O 2to august vaschoda upro EU-jakero than, oficijeli ojs gonodlipeskero di aun prindschardo hi. Ham andi Austrija meg na del nisaj nacijonali gondolipeskero di, kritisirinen oficijeli fatretertscha la flogoskera grupnatar. Ada ham bojd avrijal schaj ol, mint o Selene erscht angle poar kurke jek pisinipe ando parlamento ande ledschine.
Upro Ceija-Stojka-than Betschiste, te ada bersch papal jek gondolipeskero mulatitntschago tel likerdo ol, savo upro bibastale terdschijiptscha angle 78 berscha pal te gondolinel.