Sajt i Coronakeri cajt taj le khetan phandle lockdownenca, o Martin Horvath jek nevo hobi lakla. Ande leskeri bar Sigetate, bijo selenipe, draba taj schajati aun bauninel.
O erntimo selenipe o Martin Horvath meresch leskere tradicijoneli Romengere habiptschenge lel. Letscho, boboskere matschiki vaj guschumani sumi, tschak poar le habiptschendar hi, save o hobiskero habeskero meresch thal. O receptscha use laken upri homepage le farajnistar HANGO ROMA. Arto bersch, te jek thajipeskeri kenva le Martin Horvathistar te del, ande savi o desch lek feder prindscharde Romengere habiptscha presentirim on.
Radijo „Roma sam“ | 25to juli 2022 | 20:50 orenge
Duach i sendung vodinel Susanne Horvath | Live Radio Burgenland
O Martin Horvath, o erschti desch berscha leskera tschavengera cajtatar andi Romengeri sidlung Tenu Erbate leskere phralenca taj leskera phenjaha taj leskera dajaha taj leskere dadeha upre bartschino. Kada ov desch berscha phurano sina, leskera familijaha Erbate cidija. Vasch leskeri etnija, ov mindig teldikipeha taj argranicalipeha konfrontirim sina.
O Martin ham igen butschalo sina, but siklolahi taj mindig valaso te schofinel kamlahi. Adi butschalinel ov usi Trendwerk GmbH, kaj ov manuschenge, save buti roden, uso papal andgejipe ando butjakero dschivipe, pomoschinel. I dujti scheroskero buti ande leskero dschivipe, i buti ojs patijardo botakero vodaschi le farajnistar HANGO ROMA hi. Butvar o dschivipe taj o upre likeripe la kulturatar la flogoskera grupnatar, le Martiniske adaj andi erschti rik terdschol.
Sajt 2019 o Martin Horvath, dscheno la Leon Berger bandatar hi. Ojs bumbaschi taj dschilaschi, ov khetan leskere kolegenca, latsche hangoske uso mindenfelitike mulatintschage andi flogoskeri grupnakeri scena, sorginel.