Eine neue Siedlung, Haus
Adolf Gussak
Adolf Gussak
ROMA SAM | KUNSTAKERO PROJEKTO

Jek nevi sidlung | Kunstakero projekto ande Eisenberg an der Raab

Ande amari sendung ando 4to juli 2020 phukavas amen pedar i inicijativa „Land Art Eisenberg“. Akan upro barikano than jek kunstakero projekto le butjakere akaripeha „Jek nevi sidlung“ naschel, savo upri Romengeri sidlung pal te gondolinel, savi andi NS-cajt pujsti tschiti uli. O Adolf Gussak ande Eisenberg an der Raab sina taj le Peter Pilziha pedar leskero projekto vakertscha.

Peter Pilz, Kunstprojekt eine neue Siedlung
Adolf Gussak
Jek kher andi „nevi sidlung“ kerdo andar jek phuro kijosk.

Uso projekto na dschal vaschoda, so tut hi, phenel o Peter Pilz. Nisaj than le komfortistar te ol, ada jek than le talalinipestar taj jek than le kinstlerischi keripestar le cilenge te ol, save pedar i tema palal te gondolinel vaj usi tema te butschalinel kamna. 5 khera, save individujeli kerde hi taj ande save atschim schaj ol, ando projekto „Jek nevi sidlung“ and phandle hi.

Eine neue Siedlung, Haus
Adolf Gussak

Radijo „Roma sam“ | 4to juli 2022 | 20:50 orenge

Duach i sendung vodinel Susanne Horvath | Live Radio Burgenland

Sajt valami schtar berscha o Peter Pilz jeka Romengera-familijake andar i Rumenija pomoschinel. Ov jek kher ando nochberipe lenge lija taj pomoschinel lenge, jek nevi hajmat andi Austrija upre te bauninel. O 12-berschengero tschau la familijatar ande Jennersdorf andi ischkola dschal taj o dad taj i daj le Peter Pilziske pomoschinen, o than schukar te likerel.

Peter Pilz mit Romasymbol
Adolf Gussak
Romengero-simbol ando maschkaripe la „neva sidlungatar“

O Peter Pilz igen liberali taj prado parvardo ulo. Le nisaj koji gejng avre etniji vaj flogoskere grupn sina taj afka le te mindig kontakto Romenca ande leskero dschivipe sina. Le kinstleri khetane artschijiptscha la Ceija Stojkaha Betschiste taj ando Burgenland sina. Ando maschkaripe la neva sidlungatar terdschol jek kaschtuni tablina jeke cajchniha, savo le mindig upre leskeri pajtaschkija Ceija Stojka, pal te gondolinel mukel.

Land Art Eisenberg
Adolf Gussak

O „Land Art in Eisenberg“ jek schukar roasinipeskero cil hi. Tschak poar minuti pasche Jennersdorf, schaj o kinstlerischi mindenfelitiko le Peter Pilzistar taj kinstlerendar andar i cili Europa, aun diklo ol. O skulpturengero park jek schukar than hi, saveske pe akan ando linaj, jek kherodipe mol.