Kaj pe i situacija te irinnel i konferenca jek mangipe la EU-ake kerla. O presidento la Romana Unijonatar Slovenija taj la Europaischi Roma Unijonatar, Jozek Horvat Muc phenel, hot sa iste kerdo ol, kaj le brigaschne grupnenge pomoschim te ol. Tema sina o mediji andi Europa, sar on pedar i flogoskeri grupn le Romendar phukan. Taj saj kipo on le khetanipeske le Romendar prik den.
O haburi andi Ukrajine jek donde bescharipe le cile europitike Romane organisacijendar kertscha. Afka te use aja konferenca tema sina o tel dschumipe taj i diskriminacija le Romendar andar i Ukrajine. Mindenfelitike dschene andar mindenfelitike vilagi use aja konferenca ande Murska Sobota, Slovenija ale pumaro alav te asdel.
I situacija le Romendar ande poar schtotscha la Europatar eklik pe irintscha ham o angle vakeraschtscha phenen hot meg but iste kerdo ol.
Mediji schaj but use ledschen, kaj o diskriminacijakero kipo Le Romendar savo ande o gadschengere schere meg mindig hi, pe te irinel.