Telal o moto „genipe sikal taj angle genipe khetan phandel“ o austritiko angle genipeskero di ando bersch 2018 kesdim uli, le mindig tschuleder interesijeske upro genipe gejng te virkinel. O angle genipe jek anglutni joma uso ajgeni genipe hi. Tschave, savenge mindig angle gendo ol, paloda genaschtscha on.
Angle genipeskero di ada bersch papal online
Ada bersch o austritiko angle genipeskero di ando 24to merc tel likerdo ol taj te ada bersch o ORF Burgenland papal use hi, ham tschak online. Pumare videjojenca kamna o reporterkiji taj reportertscha andar o ORF thaneskero schtudijo Tikne Martonatar, voja upro genipe te famitlinel taj ande jek loschando keripe, le tschaven uso genipe te anel.
O raklo le latsche vodschiha