Schvedija jek pradimi Romengeri biblijoteka uschtidel. I nevi biblijoteka ojs ande phandlo falato la foroskera biblijotekatar andar Malmö, o triti bareder foro le thanestar, kerdi ol. Imar ando arto terno dschend i biblijoteka pradi te ol. „Ada jek vusko cajtakero plan hi“, phenel o foroskero biblijotekari Torbjörn Nilsson, mind pharo ovla, Romengeri literatura te lakel. Kaj ada resto te ol, iste amen dur pedar i thaneskeri granica ari dschas taj avre biblijotekenca taj Romenca ande but gava taj fori khetan iste butschalinas.“
Andi biblijoteka publikaciji ande mindenfelitike Romengere dijalektscha, pisimi literatura Romendar taj kenvi pedar i Romengeri kultura dela. I literatura ando arkeripe fatreterenca le Romengere-khetanipestar khetan terdschardi ol. Adaj o organisatortscha butvar le gaveskere Romengere birovtschagoha (Romskt informations- och kunskapscenter, RIKC) khetan butschalinen, savo – sar i foroskeri biblijoteka – uso foroskero kulturakero favojtinipe use tschito hi.